فقير الأمل \ كامل البطحري

فقير الأمل \ كامل البطحري
لولا الأمل ما عاش بالدنيا فقير
وأنا فقير وشوفتك عندي أمل
حرام تتركني تحت رجل المصير
وبيتي بعدك أضعف من بيوت النمل
تدري وش اللي صار لشفاهي غدير
دمعي شربته يوم من عيني أنهمل
والحين أعمى .. وأسمع بأذني خرير
ولا لقيت اللي بيديني حمل
تعال وينك ؟ صار معشوقك ضرير
اسقيه شوفك لين شوفه يكتمل
عاتب لاكن حط أحبك ف الاخير
من شان لا جرحت جرحه يندمل
أنشد أصابعنا عن الفرق الصغير
وإملي الفراغات بصبوعك واحتمل
لنك بتلقى طير من عشه يطير
وفي عش كفك لا تلومه لا ثمل
حطيت حبك يوم فارقتك في بير
نسيت أن الدلو قد شال الحمل
من دلو .. سيارة .. نجا طفل كسير
الحب دلو الشوق بإخراجه صمل
الحزن خمر ويومي بفرقاك زير
ما عنده الا شرب أحزاني .. عمل
سكين فرقاك أطرحت الثقل الكبير
وتكثر سكاكينه اذا طاح الجمل
من كثر مالطعنات في جسمي تغير
الطعنه حتى طعنة فراقك شمل
نتفت جنحاني وأنا من قبل طير
ومشيت لك في بيت يسوى له جمل
لو كنت أدري بالسراب بأنه يسير
ما كنت رحت أذوق رجولي رمل

مشكور نجم الجبال هذا من ذوقك

شكرااااااااااااااا